Sagtennene repeater STATUS

PS: Antenna på bilete høyrer
ikkje til repeateren vår.

70cm repeateren som har hatt nokre år på Sagtennene mellom Lote og Nordfjordeid vart teken ned i dag. Den gjekk på 434,875 MHz men har stort sett ikkje vore brukande pga dårleg filter. I vinter har det vore nokolunde kvalitet i kulda, men når våren kjem og temperaturen stig, vert den heilt ubrukande. Så no er den avslått og fjerna.

Planen er å få på plass 70cm FM/DMR repeater på samme QTH. Denne står no nede på Lote i prøvedrift, med mobildatamodem. 

de LA5VX

Digipeater i Stryn

 Ny digipeater er oppe og går i Stryn. LD6ST. Den står på Svarstadveten i ca 600m, så den burde hjelpe på litt i området. 

Norsk Hammeeting 2025

Hmmeetingen i år 

Vi vart ein bra gjeng frå Firdagruppa og fjordfylket som møtte opp hjå Gardermoengruppa og Årets Hammeeting i år. Artig. 

Her ser vi LA8VIA Knut, LA5VX Steinar og LA3QR Helge som var klare for festmiddagen. Turen over fjellet tok også LB1HC, LA4XNA og LB6UD Øystein. Og LA3NUA Richard kom innom frå eit anna ærend. 

Men det vart mykje meir enn mat og drikke. Christech, Simarud og fleire andre leverandørar i amatørradiobransjen hadde sett opp sitt utval. Så somme av oss fekk no handla litt.

Bruktmarknaden var som alltid rikeleg med litt av kvart. Og mykje fekk nye eigarar her.

Laurdag var det to rom med fagleg påfyll i ulike kategoriar, og det var populært. North Hunt - samle kontaktar med alle kommunnar i Norge, Sverige, Danmark og Finland! Diverse organisasjons info, remote køyring, dx-ekspedisjons rapportar og mykje anna interessant.

Ei fin helg der vi fekk møte både kvarandre, og likesinna som hadde teke turen til Thon Gardermoen.

Radioamatørkurs 2025

 Bli radioamatør!

No har du igjen sjansen å hive deg på opplæring til radioamatør. Bergensgruppen steller til kurs på nyåret 2025. Les meir om kurset på heimesidene til LA1B: https://www.la1b.no/kurs-2025/. Dette er eit nettbasert kurs som kan takast heimanfrå, og prøva kan igjennomførast hjå ein lokal godkjend radioamatør i nærleiken. Eller på den årlege samlinga til NRRL.

de LA5VX Steinar

Bremanger repeateren

 Bremanger-repeater er QRV att !!!!!

Den har no CTCSS (subtone) på 123 Hz. og frekvensen er framleis 145,675 MHz

Digi har fått ny pos. høgare oppe. Berre å teste og melde tilbake kor den høyrest.

-s.

Repeater i Florø

Repeater i Florø.

No er både APRS og gamle 2m repeater i Florø på plass i den restaurerte hytta, og begge maskinene er QRV. 

Repeateren står framleis med 82,5 Hz subtonesquelch. Den ville ikkje la seg opne med 123 Hz som er den nye standardtonen. Dette vil bli undersøkt nærare.

Takk til LA4XNA Kato som både har pusha prosjektet, og fått på plass igjen apparat og antenner.

PS: Den DMR repeateren som vi hadde oppe ei stund, er teken ned att og vurdert flytta til Nordfjord der det er meir igjennomreise.

de LA5VX  Steinar @ 23. nov 23

JOTA - Jamboree On The Air

 Jota på Teigen i Kinn 21. oktober

   100 speidarar og foreldre var samla på Teigen denne laurdagen. Teigen er ein leirstad nede ved fjorden litt sørvest for Eikefjord aust for Florø. Her er det god plass til både folk og antenner. 

  60 speidarar frå Nordfjord, Sunnfjord, Sogn og Bergen, i tillegg til seniorspeidarar og foreldre, gjorde det til ei stor samling. Og Firdagruppa stilte med LA5VX Steinar for JOTA aktivitet som ein av fleire aktivitetar på leiren. Mange fekk fullført sine 6 QSO'ar, av dei ein utenlandsk. Sterk vind, men antennemasta for ein 2x19,5m dipol stod imot. Eg hengde også ei 20m dipol opp, og den var grei om dagen, men mykje qrm og contest om kvelden. Ein del støy frå noko internettutstyr som var medbrakt i samband med JOTI (Jamboree On The Internett). Eg kjende att støyen frå samlinga i fjor på Allværa i Sogn. 

   Vi hadde grupper på 10 speidarar, noko som kanskje var for mange i den settingen. Trur grupper på fem vil vere meir nyttig for alle. Men mange fekk som sagt igjennomført alle seks qso'ar og vart kjempefornøgde.

   Eg måtte dra vidare søndag morgon, men håpar vi kan stille mannskap også neste år. Mange glade unge speidarar som kanskje vart litt meir radiointeresserte.

Beste helsing LA5VX Steinar